Blog

Lagjet më të preferuara në Tiranë për të blerë pronën tuaj të re

Kryeqyteti i Shqipërisë, Tirana, është tashmë burimi kryesor i pronave të paluajtshme, gati për tu blerë apo marrë me qera. Ju listojmë disa nga zonat më të kërkuara për investim në Tiranë, duke marrë parasysh disa faktorë si: vendndodhja, komoditetet dhe kërkesa e lartë.

Kryeqyteti i Shqipërisë, Tirana, është tashmë burimi kryesor i pronave të paluajtshme, gati për tu blerë apo marrë me qera.

Ju listojmë disa nga zonat më të kërkuara për investim në Tiranë, duke marrë parasysh disa faktorë si: vendndodhja, komoditetet dhe kërkesa e lartë.

Don Bosko 

Don Bosko është një lagje mjaft e njohur për komplekset e saj moderne të banimit kryesisht në afërsi të ndërtesës së televizionit “Vizion Plus”. Këtu pronat si apartamentet 1+1, kërkohen shpesh si për marrje me qera ashtu edhe për blerje, për shkak të vendndodhjes në afërsi të faciliteteve të shumta.

Liqeni i Thatë

 Zona tek “Liqeni i Thatë” është një lagje luksoze e vendosur pranë liqenit artificial, që ofron pamje piktoreske dhe një mjedis të qetë. Rezidencat e Palladiumit janë shumë të dëshirueshme, veçanërisht për ata që kërkojnë prona të reja bashkëkohore.

Astir

Astiri është një zonë dinamike dhe me zhvillim të shpejtë, duke e bërë atë një pikë mjaft të kërkuar për investim. Është e njohur për një sërë pronash banimi dhe komerciale, me çmime të ndryshme, duke e bërë atë të përshtatshme për buxhete të ndryshme.

QTU Trade Center (Univers City)

Pranë qendrës tregtare QTU, Univers City ofron jetesë moderne plot argëtim, me akses të lehtë facilitetesh . Është vendi ideal për familjet që kërkojnë apartamente të bollshme, me të gjitha komoditetet e nevojshme.

Unaza e re

Kjo zonë po përjeton një zhvillim të konsiderueshëm dhe është e njohur si për pronat rezidenciale ashtu edhe për ato komerciale. Ofron një shumëllojshmëri apartamentesh moderne, shpesh dhe me ambiente parkimi të përfshira.

Zona e kopshtit zoologjik 

Një tjetër vendndodhje premium e njohur për afërsinë e saj me natyrën dhe mjediset rekreative. Është ideale për familjet që kërkojnë një mjedis të qetë me akses të lehtë në qytet.

Myslym Shyri

Myslym Shyri është një nga rrugët më prestigjioze të Tiranës, që ofron një kombinim pronash për ata që kërkojnë luks dhe komoditet.

Kodra e Diellit 

Kjo zonë është e njohur për komplekset rezidenciale, apartamente dhe vila luksoze.

Zona e Qendrës Tregtare TEG
 

Pranë qendrës tregtare TEG, gjeni prona moderne pranë një prej destinacioneve më të mëdha tregtare të Tiranës. Është e përkryer për ata që duan një përzierje të jetesës urbane dhe qetësisë së periferisë.

Tirana ofron një gamë të larmishme lagjesh, secila me hijeshinë e saj unike. Ofron gjithçka për çdo kërkesë dhe buxhet. Investimi në këto zona ofron një përvojë të shkëlqyer jetese për shkak të zhvillimit dhe modernizimit të vazhdueshëm të qytetit.